مانساكـ لو قلبي تركّز نصايبه !!!!!

شكيت يوم القلـب زادن نوايبـه
على الذي يعلـم بسـره وغايبـه
شكيت للـي عالـمٍ كـل مافينـي
هو العليـم ابكـل زلـه وصايبـه
يوم الخلايق في لذيذ الكرى هجّـاع
ناموا وأنا قلبـي يساهـر مصايبـه
خيّلت زيـنٍ بالوصايـف وشدنـي
يمه فؤادي يـوم سـارت ركايبـه
هلن دموع العيـن منـي تحـدرن
على وليف القلب واغلـى حبايبـه
ذكرت خلٍ ماأرى غير وصفه زيـن
مالـه شبيـةٍ فـارقٍ فـي قرايبـه
ابو جديل فوق متنه كمـا الليلـي
العيب بـس انـه مشقـر ذوايبـه
وابو عيونن يذبحن مـن يشوفهـن
دعجٍ وموتي بالرمـوش وعجايبـه
أنا اشهد انـه تـل قلبـي وتلنـي
واثر صوابـه بينـن بـي عطايبـه
والنار في داخل فـؤادي توقـدت
جمر الغضى داخل فـؤادي لهايبـه
لا من ذكرت اللي مضالي مع الغضي
اذكـر زمانـن طاربنّـي طرايبـه
وانوح نوح اللي فقد له من الغـلا
خلٍ حبيّـب رش قلبـي سحايبـه
أناجي الليل ابسكونه فـي وحدتـي
واجاوب الونات والـروح ذايبـه
ابرتجـي ربٍ كريـمٍ علـى المـلا
-يرد لي روحٍ عن الجسـم غايبـه
واحاول انسى كلمتن لـه وردّهـا
يمكن ترى أنساك والنفـس طايبـه
رد ورجع ودموع عينـه تهلهلـن
رد وتحسف واعلن الـروح تايبـه
وحلفت له ما نساك يا مالك الحشا
ما نساك لو قبري ترّكـز نصايبـه